Эрчим Хүчний Газар

ОХУ-ын Ерөнхий сайд Владимар Путин 2010 онд шинээр цөмийн станц барих, Болгарын цөмийн станцыг худалдаж авахад зориулж 53 тэрбум рубль буюу 1.77 тэрбум долларын хөрөнгийг холбооны сангаас нэмж гаргахаар болж байгаа мэдэгдлээ.

Эрдэс баялаг эрчим хүчний яамны Төрийн нарийн бичгийн дарга Д. Хүрэлбаатар ”Дорнод бүсийн эрчим хүчний систем” төрийн өмчит хувьцаат компанийн үйл ажиллагаатай танилцжээ. Тус компани 1999-2009 онд нэгдсэн сүлжээ болон өргөжин тэлж, Дорнод, Сүхбаатар, Хэнтий аймгийн 36 сумын айл өрх, аж ахуйн нэгжүүдээс гадна уул уурхайн 5 үйлдвэрийг цахилгаан эрчим хүчээр хангаж байгаа аж. Цахилгаан эрчим хүчний нийт түгээлтийн 44.2 хувийг Дорнод, 19.2 хувийг Сүхбаатар аймаг эзэлж байгаа бол Төмөртэйн үйлдвэр 22.3, Цавын уурхай 1.2, Мардайн уурхайнууд 6 хувийг нь ашиглаж байгаа юм байна.

Өмнөговь аймгийн Даланзадгад сумын “Дулааны цахилгаан станц” ТӨХК-ийн цахилгаан хуваарилах байгууламжийн кабель утас, хянах самбар уржигдар шатсаныг тус аймгийн аврах, гал унтраах 21 дүгээр ангийнхан унтраасан байна.

Ерөнхийлөгч  Б. Обама Жорж мужид барих хоёр атомын цахилгаан станцад зориулан найман тэрбум долларын зээлийн баталгаа гаргаснаа зарлав. Одоогоос 30 жилийн өмнө АНУ-ын Пенсильван муж дахь Три-Майл  Айленд атомын цахилгаан станцын реакторт осол гарснаас хойш тус улсад шинэ цахилгаан станц барих ажил зогссон юм.